• Italiano
  • English
  • Sardo

Pinnetus

Parit probàbili chi is pinnetus fessant fraigaus forrogonendi su terrinu, amantendi su fossu cun una pomentadura de linna po si amparai de sa umidadi e imperendi matonis de argidda (agataus in mesu a is repertus). Est da acrarai chi in is fundus de is pinnetus de Su Coddu no ddoi funt is stampus po ponni is palus de acotzu de sa crobetura chi intamis funt costumaus in is atras biddixeddas de cussu tempus. A pitzu de cust’allega, un’artìculu scientìficu de su 2010 narat duas ipotesis interessantis: sa prima, chi sa crobetura fessat fata de una strutura de linna autoportanti, s’atra chi in unus acontèssius benessint impreaus matonis cruus cumenti basi de sa crobetura.

Una anàlisi chìmica fata in su 2017 a pitzu de unus arrogus de ludu e matonis de argidda amostat chi is logus de domi, is silus e is putzus fiant impermeabilizaus de unu rivestimentu a tres pillus: su primu de argidda crua, su de duus de ludu e su ed tres fatu de unu pillu fini fini de arena e cracina.

error: Contenuto protetto !!
In alto