Una de is caraterìsticas chi acostiànt sa fraigadura de sa parti manna de is domus de su Campidanu fiat s’impreu de su làdiri. Fiant matonis (su nòmini benit dae su latinu later, matoni) chi beniant fatus amesturendi una massa de ludu e de palla, sichendiddus luegus a sut’e soli, medas bortas fraigaus dae is meris de domu e totu po sighi is abisòngius de sa famìllia candu issa si amannaiat. Custu materiali, naturali totu, tenit su prus bantaxu mannu cussu de essi unu isulanti tèrmicu e acùsticu bonu meda; is domus in làdiri infatis funt famadas po essi friscas in istadi e callentis in ierru e puru amparadas meda dae su trèulu de aforas, e intzaras funt sanidosas e asseliadas.

Intre is sbantaxus intamis si depit ponni sa pagu fortza po aguantai cracaduras mannas, chi est poita sa domu campidanesa est giai giai sempri de sceti duus livellus e bia (pianu terra e primu pianu).